TEMA 5
AS PROGRAMACIÓNS
DIDÁCTICAS VIXENTES
Durante
este tema estivemos vendo como as programacións didácticas se teñen
que axustar e adaptar seguindo a norma establecida, en concreto as
progamacións didácticas actuais funcionan baixo o establecemento da
ley vixente denominada LOMCE (ley que ven de actualizarse
recentemente).
Tal
e como determina o mestrado centrámonos nos cursos da educación
secundaria afectándolle aos catro cursos de educación secundaria
obligatoria e á formación postobligatoria dos dous anos de
Bacharelato. Desta maneira estivemos tratando na aula diversos
contidos referentes ao tema como poden ser o feito de que serán os
departamentos didácticos de cada centro docente os encargados de
desenvolver o currículo establecido mediante o establecemento das
programacións didácticas. Unha vez se fixe unha programación
didáctica para cada materia, esta funcionará como ferramenta de
planificación curricular específica e necesaria para desenvolver a
aprendizaxe e ensino do alumnado de maneira coordinada entre aqueles
que formen parte do departamento.
Tamén
tivemos que tratar o tema da estructura das programacións didácticas
xa que consta de diversos puntos a ter en conta, os cales pasamos a
enumerar a continuación: o primeiro que debe constar sería unha
introdución e contextualización onde se comenta detalladamente a
situación do centro, logo tería que atoparse unha contribución ao
desenvolvemento das competencias clave que iría directamente
relacionado co seguinte punto onde se concretarían os obxectivos do
curso. Unha vez estes aspectos queden ben reflexados na programación,
o seguinte punto a concretar sería a concreción da temporalización,
do grao mínimo de consecución para superar a materia e os
procedementos e instrumentos para superar a avaliación.
Os contidos
centrais da programación serían as concrecións metodóloxicas que
require a materia, as materias e recursos didácticos que se van
empregar, os criterios sobre avaliación cualificación e promoción
do alumnado, os indicadores de logro para avaliar o proceso de ensino
así como a organización das actividades de seguimento, recuperación
e avaliación das materias pendentes. Alén disto, tamén se debe
incluir na programación a organización dos procedementos, o deseño
de avaliación inicial e o conxunto de medidas que se levarán a cabo
dependendo dos resultados obtidos, as medidas e procedementos para a
atención á diversidade, os contidos transversais que se traballarán
no curso correspondente e as actividades complementarias e
extraescolares organizadas por cada departamento didáctico. Para
finalizar correctamente a programación didáctica non poden quedar
sen incluir unha serie de puntos fundamentais como o son os
mecanismos de revisión, avaliación e modificación das
programacións didácticas en función dos resultados arroxados polo
curso correspondente.
Despois
de ver esta parte de contido neste tema pasamos a centrarnos nas
programacións vixentes que se atopan dentro da Formación
Profesional. Para o establecemento das programacións na FP
precísanse os resultados de aprendizaxe, os obxectivos específicos,
os contidos, os criterios de avaliación, as actividades para o
proceso de ensino-aprendizaxe máis as de avaliación sen esquecer os
materias, recursos e instrumentos de avaliación.
As
programacións para a Formación Profesional deben constar dunha
concreción do currículo en relación á súa adecuación ás
características do ámbito productivo, a relación de unidades
didácticas que a integran que contribuirán ao desenvolvemento do
módulo profesional, os mínimos exixíbeis para acadar a avaliación
positiva e criterios de cualificación, o procedemento para a
recuperación das partes non superadas así como o procedemento sobre
o seguimento da programación e avaliación da propia práctica
docente. Tamén se falou neste tema que o equipo docente adaptará e
xustificará as programacións ás necesidades educativas do
alumnado, ademais o equipo docente tamén será o encargado de
realizar un seguimento das programacións de cada módulo. Por outra
banda, a consellería con competente en materia de educación
promoverá o uso das tecnoloxías da información e comunicación
para a creación e seguimento das programacións.
Despois
de ter visto isto, centrámonos na estrutura das programacións LOE
das ensinanzas das EOI. Desta maneira, a estrutura consta dos, puntos
que seguen a continuación: os
obxectivos de cada un dos cursos que imparte o departamento; os
contidos, a súa secuencia e temporalización nos distintos cursos;
os criterios de avaliación de cada curso, especificando os mínimos
exixibles para superar os cursos dentro de cada nivel; os
procedementos e instrumentos de avaliación da aprendizaxe do
alumnado; os criterios de cualificación que se vaian aplicar; o
enfoque metodolóxico; os recursos didácticos, incluídos as
tecnoloxías da información e da comunicación, os materiais
curriculares e os libros de texto para uso do alumnado; os
procedementos de acceso ao currículo, se é o caso, para o alumnado
con necesidades específicas; as actividades culturais e de promoción
do idioma programadas polo departamento; os procedementos para que o
departamento coordine, valore e revise o desenvolvemento e o
resultado da súa programación didáctica e, finalmente, os
procedementos para realizar a avaliación interna do departamento.
